டெசோ மாநாட்டுக்கு ஏற்பட்ட சிக்கலை சட்டரீதியாக சந்திக்க தி.மு.க., ஆலோசனை கூட்டத்தில் முடிவு

டெசோ மாநாட்டுக்கு ஏற்பட்ட சிக்கலை சட்டரீதியாக சந்திக்க தி.மு.க., ஆலோசனை கூட்டத்தில் முடிவு
– August 11, 2012 9:23 am

ஈழம் என்ற வார்த்தைய பயன்படுத்தக்கூடாது என மத்திய அரசு கடிதம், டெசோ மாநாட்டை சென்னையில் நடத்த தமிழக காவல்துறை தடை என பல்வேறு முட்டுக்கட்டைகளால் மாநாடு நடக்குமா நடக்காதா என்ற கேள்வி எழுந்துள்ளது.
டெசோ மாநாட்டுக்கான அனுமதியை காவல்துறை மறுத்துள்ளதை அடுத்து சென்னை கோபாலபுரத்தில் இருக்கும் கருணாநிதியின் வீட்டில் அவரது தலைமையில் அடுத்த கட்ட நடவடிக்கை குறித்து ஆலோசனை கூட்டம் நடைபெற்றது.
இன்று காலை 8 மணிக்கு துவங்கிய இந்த ஆலோசனைக் கூட்டத்தில் தி.மு.க., பொருளாளர் ஸ்டாலின், பொதுச் செயலாளர் அன்பழகன், முன்னாள் அமைச்சர்கள் ஏ.வ.வேலு, துரைமுருகன், பொன்முடி, தி.மு.க., செய்தி தொடர்பாளர் டி.கே.எஸ்.இளங்கோவன், சென்னை மாநகராட்சி முன்னாள் மேயர் மா.சுப்ரமணியம், தென் சென்னை மாவட்ட தி.மு.க., செயலாளர் அன்பழகன் ஆகியோர் கலந்து கொண்டனர்.
டெசோ மாநாடு கண்டிப்பாக நடத்த வேண்டும் என்பது கருணாநிதியின் விருப்பமாக இருப்பதால், காவல்துறை அனுமதி மறுத்துள்ள விவகாரத்தை சட்டரீதியாக அணுகலாமா, இல்லை டெசோ மாநாடு நடத்தும் இடம் தேதியை மாற்றி அமைக்காலாமா என்று ஆலோசிக்கப்பட்டன.
சில மணி நேரம் தீவிர ஆலோசனை நடைபெற்றது. பின்னர் டெசோ மாநாட்டுக்கு ஏற்பட்டுள்ள சிக்கலை சட்டரீதியாக தி.மு.க., சந்திக்கும் என அறிவிக்கப்பட்டுள்ளது.
காவல்துறை அனுமதி மறுப்பு : இலங்கைத் தமிழர்களின் நலனுக்காக சென்னை ராயப்பேட்டை ஒய்எம்சிஏ மைதானத்தில் ஆகஸ்ட் 12-ம் தேதி டெசோ மாநாடு நடைபெறும் என திமுக அறிவித்திருந்தது. இது தொடர்பாக சென்னை உயர்நீதிமன்றத்தில் தாக்கல் செய்யப்பட்ட மனுவின் மீது நடந்த விசாரணையில் டெசோ மாநாடு குறித்து சென்னை காவல்துறை முடிவெடுக்கும் என உத்தரவிடப்பட்டது. இதனையடுத்து மாநாட்டுக்கு நேற்றிரவு காவல்துறை அனுமதி மறுத்தது. சென்னை மாநகர காவல்துறை ஆணையர் அலுவலகத்தில் நள்ளிரவு 2 மணி வரை நடைபெற்ற கூட்டத்தில் டெசோ மாநாட்டுக்கு தடை விதிப்பது என முடிவெடுக்கப்பட்டுள்ளது.
மாநாடு நடைபெற உள்ள ஒய்.எம்.சி.ஏ மைதானத்தில் எட்டாயிரம்பேர் மட்டுமே அமரக்கூடிய நிலையில் ஒரு இலட்சத்திற்கும் அதிகமானோர் மாநாட்டில் கலந்துகொள்ளக் கூடும் என்றும், சென்னை மெட்ரோ ரெயில் பணிகள் நடைபெற்று வரும் நிலையில் மாநாட்டிற்காக போக்குவரத்து மாற்றங்கள் செய்வது கடினம் போன்ற காரணங்களால் அனுமதி மறுக்கப்படுவதாக காவல்துறை தரப்பில் தெரிவிக்கப்பட்டது.
மேலும் இந்த விவகாரத்தில் திமுகவின் நிலைப்பாட்டைப் பொறுத்து தங்களது நடவடிக்கை இருக்கும் என போலீசார் தெரிவித்துள்ளனர்.
இதனையடுத்து இன்று கருணாநிதி தலைமையில் நடைபெற்ற ஆலோசனைக் கூட்டத்தில் பிரச்னையை சட்டரீதியாக சந்திக்க முடிவு எடுக்கப்பட்டுள்ளது. ஆனால் அவ்வாறு சட்டரீதியாக சந்திக்கும் பட்சத்தில் , இன்றும் நாளையும் கோர்ட் விடுமுறை என்பதால் திட்டமிட்டபடி நாளை டெசோ மாநாடு நடக்குமா என்பது கேள்விக்குறியாகவே இருக்கிறது.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s